Posted in Ուսումնական ճամփորդություն, Uncategorized

Բարձունքը հաղթահարված է. Արզականի Սուրբ Նեղուց վանք

img_2653

Արևմուտքի երրորդ դասարանի սեբաստացիներն այսօր յուրօրինակ ուրախ էին: Ինչու՞… Որովհետև այսօր պետք է նվաճեին ևս մեկ բարձունք: Այս անգամ ճամփորդելու համար ընտրել էինք հրաշագեղ Արզականը: Առավոտյան ընդհանուր պարապմունքից հետո շարժվեցինք: Ամբողջ ճանապարհն անցավ ուրախ՝ լի կոմիտասյան երգերով ու բանաստեղծություններով:

Ահա, արդեն Արզականում ենք. ինչպիսի՜ գեղեցկություն, ինչպիսի՜ հարուստ բնություն: Արզականում, արդեն, տեղ-տեղ երևում էին աշնան վրձնահարվածները:

Ամենասեբաստացիները անտրտունջ հաղթահարեցին ճանապարհի բոլոր խոչընդոտները:

Ճանապարհի կեսից արդեն երևում էր վանքը: Կիսաքանդ գեղեցկուհին հեռվից էլ կանչում էր, դյութում յուրաքանչյուրիս:

30 րոպե անց Սուրբ Նեղուցի մոտ էինք: Երեխաները անհամբեր աչքերով զննում էին հին, կիսաքանդ, բայց իր գեղեցկությունը չկորցրած, վանքը:

Վանքի ներսում հնչեցրինք «Հայր մեր»-ը, «Այբ, բեն, գիմ…»-ը:

Ուսումնասիրեցինք վանքի պատերին տեղ գտած արձանագրություներն ու զարդաքանդակները: Տպավորիչ էին:

Այնուհետև վանքի բակում նախաճաշեցինք: Թարմ ուժերով շրջակա միջավայրը ազատեցինք աղբից. մաքրեցինք:

Քանի որ մեր առաջ բացվել էր բնության մի հրաշք տեսարան, որոշեցինք հենց այդտեղ էլ իրականացնել մեր նկարչական պլեները: Հրաշալի ստացվեց այն: Նկարում էինք ու երգում. Արզականը Կոմիտաս էր շնչում:

Որոշեցինք այս հրաշալի ճամփորդությունը նվիրել մեր սիրելի և անգնահատելի Կոմիտասի 150 ամյակին:

Իսկ հետո արդեն երթուղու անիվների չխկչխկոցին միաձուլվում էր սեբաստացիների խինդն ու ծիծաղը, որոնք պատուհանից նայում և հաշվում էին, թե իրենց տեսած հինգ կովերը միասին որքա՜ն ոտք կունենան, թե դաշտերում քանի՜ մշակ է աշխատում, թե իրենց տեսած ալոճի ծառերի վրա քանի՜ կիլոգրամ բարիք կլինի, թե… թե…

Հեղինակ՝

Բարի գալուստ իմ մեդիամիջավայր...

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s

This site uses Akismet to reduce spam. Learn how your comment data is processed.