Ուսումնական ագարակ

Այս նախագիծը ամենակարևորներից է: Այն տևական բնույթ ունի:
Այս նախագիծն ամբողջությամբ իրականացնելու համար պետք է հաղթահարել բազմաթիվ խնդիրներ: Որպեսզի ագարակ գնալը չդառնա զբոսանք, այլ ունենա ուսումնական շերտեր, շատ կարևոր է ճիշտ սկսել նախապատրաստական փուլը: Երեխաները ագարակ պետք է գնան որոշակի գիտելիքներով:

Նպատակը`

 Կենդանիների շփման միջոցով հաղթահարել հոգեբանական խնդիրներ, ձեռք բերել հաղորդակցման, համագործակցման հմտություններ։

Ծանոթանալ կենդանիների խնամքին վերաբերվող բոլոր գործիքներին,  ճանաչել կենդանիներին, տեղեկանալ նրանց մասին,  իմանալ,  թե որ կենդանին ինչով է սնվում, ինչ է նրանց անունը,  ինչպիսի կենդանիներ են ` վայրի,  թե ընտանի։

Խնդիրներ`

Հաղթահարել վախը կենդանիների հանդեպ, ձեռք բերել ինքնավստահություն, դրական հույզեր:

Օգնել կենդանիների խնամքի կազմակերպման հարցում,  դպրոցից ավելացված սննդի ճիշտ և ժամանակին տեղափոխումը ագարակ։

Տեղեկանալ,  սովորել , թե որ կենդանու բնին ինչ են ասում,  ինչպես է կոչվում նրա ձագուկը,  նրանց խմբերին ինչպես են անվանում,  ունի տվյալ կենդանին թշնամիներ կամ ընկերներ։

Ինչպիսի վտանգ կարող է սպասվել նրանցից,  իսկ ինչով են օգտակար։
Ագարակում տարբեր գործունեություններ կարելի է իրականացնել:

  1. Ձիերի խնամք և կերակրում, ձիավարություն
  2. Շների խնամք և կերակրում
  3. Թռչունների խնամք և կերակրում
  4. Ծառատունկ
  5. Լավաշթխիկ (օգտագործում ենք ագարակի թոնիրը)
  6. Թան-խում (օգտագործում ենք ագարակի խնոցին)Նախքան ձիերին խնամելը`  երեխաներին պետք է տալ որոշակի տեղեկություններ ձիերի մասին, խոսել նրանց առանձնահատկությունների մասին, նախասիրությունների մասին, ինչու չէ նաև հնարավոր վտանգների մասին:
    Նույնը պետք է անել թռչունների և շների դեպքում:

Նախագծի ընթացքը և վերջնարդյունքը կլուսաբանենք բլոգում:

  1. Կրթահամալիրի անսովոր վայրերը. ագարակ

2. Ձիավարում ենք…Յուհու՜

3. Մեր սիրելի վայրը կրթահամալիրում. ագարակ

4.  Սեբաստացիները ագարակում